Chaasi Aau Dhaan

Chasi Aau Dhaan

ଲୋକ ଜମାଲେ ମିଟିଂଗ୍ କଲେ
ବାବୁ ବେପାରୀ ଗୁଟେ ହେଲେ
ଏକଲା ଚାସୀ ପରେସାନ୍
ଚାସୀ କହାକେ ଦେବା ତାର୍ ଧାନ୍ ?

କେ ବଏଲା ପାଂଚ୍ ପାଂଚ୍ ସ କେ ବଏଲା ଛଅ ସ
କେ ବଏଲା ଏତକୀ ଦେମୀ କମ୍ ପଡିଯିବା ନଅ ସ
କେ ମଗାଲା ଚାହା ପକଡି କେ ମଗାଲା ପାନ
ଚାସୀ କହାକେ ଦେବା ତାର୍ ଧାନ୍ ?

ବଛର୍ ଜାକର୍ ଝାଲ୍ ବୁହାଲା ସୀତ୍ ବଏରସା ଖରା
ଆଝିର୍ ଆସିଁ ପରହର୍ ଲୁକେ ଭାତେ ପକେଇ  କିରା
କେ ଡାକୁଛେ ବାହା କେ ଧରି କେ ଦଉଛେ ଜ୍ଞ।ନ
ଚାସୀ କହାକେ ଦେବା ତାର୍ ଧାନ୍ ?

ବୁନା ବେଲର୍ ଖରା ର ଚୁଟେଂ ମାଏଟ୍ ଜାଏସୀ ଫାଟି
ମାଡେନ୍ ଉପରେଁ କଲିଆ ବାଦଲ୍ ମନ ଜାଏ ସର୍ପଟି
ଇ ମୁଲ୍ କାଲାନୁ ସରଲା ଯାକିର୍ ଚାସିର୍ ବେକେଁ ଫାନ୍
ଚାସୀ କହାକେ ଦେବା ତାର୍ ଧାନ୍ ?

ଧରତୀ ମାତା ଇନ୍ଦର୍ ରାଜା ବୁଝବ ତୁମେ ଦିନେ
ମରି ଆସିଛେ ମରି ଗଲେଂ ବି ଚାସୀ କେଭେଂ ନIଈ ମାନେ
ମରି ମରି ବି ରଖୁ ଥିବା  ସେ ମାଏଟ୍ ମାତାର୍ ମାନ.
ଚାସୀ ଦ ଉ ଥିବା ଦ ଉ ଥିବା ଆଉ ଦୌଥିବା ଖାଲି ଧାନ୍ ଧାନ୍ ଆଉ ଧାନ୍ .
                                                              Brundaban Sahu, Haldipali, Bargarh